回首頁
回首頁
 


台灣史詩 (2)

-台語朗誦-   (漢字版)

◎周明峰

鄭成功過台灣
兵五千閣二萬
用計智趕荷蘭
收寶島歸華漢
養大軍設屯田
開土地挖資源
拾重稅殺生番
四個月性命完

傳位互鄭經
為著欲復明
繼續來反清
十九年無停
積聚米糧軍兵
反攻大陸無成
陳永華留台灣經營
農業教育貿易民生

應該接位的是鄭克臧
可惜受著歹人的中傷
王位交互十二歲的鄭克塽
据在奸臣馮錫範掠在戲弄
聽著清軍攻佔澎湖的海將
就是阿公的部下叛徒施琅
投降回大陸王族百官部眾
父子孫三代二十三年滅亡

你若講外位來的鄭成功
是咱台灣人的民族英雄
有人會笑你戇
講你是國民黨
伊是咱台灣的寄生蟲(北京話)
殖民的政權存心不良
走投無路匿來借滯暫用
呣捌為台灣的前途思想
呣肯及台灣人認同
騙人講甚麼欲反攻
掠百姓做砲灰互人磅
提百姓的資產去充公
占滯占食做霸王
有權有勢呣變動
怎樣過客在做東?
明明乞食趕廟公!
你看這有通抑無通?
台灣人有悾抑無悾?


作者周明峰為復健專科醫師 (Emerson M. F. Jou, M.D., M.P.H.)

周明峰文集

台灣e新聞