台灣有影嚮力ｅ政治人物救扁攏靠一支嘴，從來沒主動以行動實際進行。連署沒一遍是政治大人發起，連簽署攏要三請四請。

探扁了後，只是講掛五四三，呼籲東、希望西，攏是寄望別人行動，來救阿扁，答嘴鼓而已。親像講「希望成立公正ｅ醫療小組」，是嘸知已經有醫療志工暝日打拼，也是指伊們不公正？

也有講「儘速保外就醫」。政治玩這久，竟然不知希望國民黨天良發現，那像是欲望老鼠種田，沒路用。

民進黨真正ｅ行動只是背後協商，要看鼻屎大ｅ典獄長ｅ面色。雖然佇置立法院質詢真大聲，到尾來也是空包彈。白賊ｅ官員攏無代誌。國際救援也攏是民間促成。一個番薯電視台幾個月ｅ努力互民進黨四冬ｅ表現真漏氣。自命先知ｅ先生，你ｅ阿兄今日互人打成重傷命在旦夕，你沒請醫生，送伊去病院沒打緊，顛倒去和背後兇手調酒握手，甚至滿面目屎，認祖認父。阿兄ｅ死活「一病各表」，是伊家ｅ代誌。「豪氣拜中，膽小救扁」，政治大人不如草根小民。現準時是救扁一命上關鍵時機，請問政治大人幾當時真正做大人？

2012-10-09